محمد لمين ولد أحمد دي

محمد الأمين ولد أحمد دي

يَلاّلِ مَفْصَلنِ فلْسَــــانْ # نكردْ بيهْ امريرتْ “حَسّانْ”

وَنْرَ بيهْ الرّفعَه والشّــانْ#وَنْرَ بيـــــهْ اصلاحْ الدّارَيْنْ

الثنتيْـنْ، وُهَمِّي عَجْلانْ #فصْلاحْ الدّارَيْـــنْ الثّنتَيْنْ

 يَلِّ كَمْتْ افظَلْمتْ لكْوانْ#مالي بيكْ اللّــهْ الوُذْنيْنْ

 وَخْلكْتْ افلثنيْن امْن أعْيانْ#العُرْبانْ، وُبانْ -ابْلا مَيْنْ

عَنّكْ بيكْ اغلاوْ العُرْبـــــانْ#وغْلَ بيكْ امّــــلِّ لثنيْنْ

الِّ فيــــــهْ انكصْرتْ لوثانْ#ولِّ فيه اطفات..وُفمْنيْنْ

 “نار الفُرْس” وُمَرْ الطغيانْ#وَتْفَرْفرْ “لِيـــوانْ” وويلينْ

يَحُمّارْ الدِّيــــنْ،وُيَــــمَانْ#المَلْهوفْ، وُغَوْث الكونيْنْ

👇👇👇👇👇👇👇👇👇👇👇👇👇

يــــان عت الا اتْجَــــــوّلْ #تخمـــــامك من عــــــام لول

فالبــــــــــداع ، أولاتسول #عن خاطيــــــــــــه أنيــــــس

قصــدك فيــه اتعـود -لول- # فالبـــــــدع ..ابلعفيــــــــــــس

وابلغفيــــــس،  أولايهـول #لعفيـــــــــــس أولغفيــــــــــس

ويلعــــــاد اعفيس بدعــك#قصــــدك بيــــــــــــه اغفيس

وتَ، مــاه فــــــال طمعك#بيـــــــــــــــــــه (طمع ابليس)

👇👇👇👇👇👇👇👇👇👇👇👇👇

عليك الا يمتـــــــــــــــــــان#عطب الريم ، ومنهــــــــــان

يالعكل..وفـــــات ازمـــــان#مـــــاريت الذاك - اطبيــب -

من لعطيـــــــــــب، ولا بان#اطبيـــــــــب الذ لعطيـــــب

كــــون الريــــم .. أومنـــه#مــــــــــالك لعد امسيليـــب!!

وتمابيتــــــــــــــــــك عنــه#كيــــف "اتمابيــــــت الذيب"

👇👇👇👇👇👇👇👇👇👇👇👇👇

أل فيـــــه اخلكـت ، ؤناغيـت #وتحابيـــــــت ،ؤفيـــــه اتواطيت

واعل عرظ وطـول اتمشيـت #فيـــــــه امع عتــــــــرت كماني

ول فيـــه اعل حسن-اربيــت-#الخلـــــــق ، ؤلاكــــــط انســان

من سغري حـاضنّ، وكريـت#فيـــــه ، ؤلا كظـــظ من شـــان

واسكان من عـزت -وارويت-#كــــواني ..حـــــــــامد كـــــوانِ

ول فرحـــــــــان إلا غنيـــت#اعليــــــــه.. ألا مــــــوريتـــــان

بيت الديـن، ؤلخــلاق، ؤبيت#الخيــــــم، ؤبيـــــــــت المعــــانِ

مورتــــــان نبغيـــه ؤفيــــه#اجبــــرت أمـــــــاني وحســـان

وبروحـــي نفديــه ؤخـاطيه #مانسميــــه ابطــــرف الســــان

ؤمورتــاني ماكـط اعمــاش#عن شي زيــن، ولاكط اطراش

واعل زيـن اسمعن ينتـــاش#من خــد الدنــــــــي لكصــــان

فالعلـــم ابروكـُ تنكــــــراش #ؤراصـو فالشعـــــــر الفوكــان

- وامع كصف الحال- أفكراش#افـــلمـــــرو كــــــانك عــــانِ

ويـــل جـاه الخاطر نيمــاش #ينــس فيــــه انُ بـــــــــــرانِ

مَخــــلاه ابلــد تيــــــــفلاش#للي مــــــــــاشي ول هــــــان

ؤعـاشت وذنُ فالمجد،ؤعاش #مورتـــــان مالــــو ثــــــــــان

ؤلانحتـــاج - الذاك - التنباش #كافيــــن كولِ بالســــــــــــانِ:

مورتــــــان نبغيـــه ؤفيـــــه #اجبــــرت أمـــــــاني وحسـان

وبروحـــي نفديــه ؤخـاطيـه #مانسميــــه ابطــــرف الســان

👇👇👇👇👇👇👇👇👇👇👇👇👇

قدرك - فات اكبيـل- الشفاع💕علاه ، وركب - فات - أمرك

ول هو "حـد أوخــــر" كاع💕مـــــــــاه لاه ينكص قــــدرك

يالرسول ال مدحك فــــــات💕افلكتــاب الواحد فالــــــذات

كيف اعطاك امن المعجزات💕ال فيــــــه امسنــد ظهــرك

بسمن حال حد ابكلمــــــات💕اتل لاه ينكـــــص قـــــدرك!!

يالرسول ال طــــــــــاك الله💕ال طاك امن اكبيــــر الجاه

والتعظيم ، أوخلقـــــك زكاه💕- فات اكبيل - وزك بصــرك

وكلامك زكــــــاه، ؤ واللـه💕ال كــــافِ ذ من نصــرك

يالرسول ال جيـــــت الناس💕ابلملاس ، وجبت ابلملاس

دين اللـه ، أو متنت الساس💕مــــارت عن قدرك ماغدرك

يالرسول.. وتميــت -الباس💕العصم- جــــاي اعل قدرك

يالرسول ال جيـت العــون💕الضعيـــف ، وعون المحزون

واهد بيك الناشيـــك الكون💕عاكب ذاك امن الجهل.. أثرك

لاه يسميـــــك اتل ملعـون💕ابشي .. ماج ماحيـــه أثرك !!!

يالرسول ال جيت احفـول💕ألّلكـــــــوان ، أوززت المعقول

في العدال، وله مرســـول💕وعليـــــــــه مــــــلان قهرك

وانت هو فيـــك المفصول💕- يوم العدل أوحـــاكم ظهرك

👇👇👇👇👇👇👇👇👇👇👇👇👇