أحمد ولد الوالد
افليل ابــلا ڨَــمْـرَ خانت/فيه الناس الناس، ؤهــانت
فيه الناس النــاس، أمانت/فيه الناس أضيــع، ابلا ساس
فيه الناس، ادو مــــكـانت/فيه الناس، اتعيش أفلـــنفاس
فيه الناس ؤتــــشرب كانت/فيه الناس الا دم الـــناس
واشيانت للـصبـح اكزانت/فيه الناس، اعكب طـار انعاس
فيه الناس، الــين اليــانـت/عن كانت للخاســر والباس
فيه الناس ؤمن كتـانت/ذاك الخاســر والباس الباس
فيه الناس ؤفيه اشــيانت/ربعت جمل الدهــر النكاس
والدني بتمحل بــانت/ؤدخلت ظلــمَ فيه ؤتعســـاس
والخلق اشرك من كـسـان أتـ/ــمحل ذيك الدني و انـســاس
عت اتر حد افــدفانت/كبدُ حيّ ، فاقد الاحساس
واخلات الناس افـديانت/شرك افليل البــاطل لشماس
عرش الشر الفـــيه ازيانت/ما جبرت ظل مـــهباس
واتربات امع حــضانت/عرش الخير ؤكـتل لباس
ؤلرظَ جات اعل شــمبانت/ش صالـح مـــاراهَ غراس
جيت انت يالنور المــختار/واصبح بـزول الــرحم دار
امركت انت زبدت نـزار/من مروب رحـم كيــفن داس
ادخلت الدني نور انــهار/بيه الشـــرك ؤج بيه اساس
التوحيد ؤتم انتصـــار/المــظلوم أُسـاعت الانفاس
الظلمَ ظو ابكــات ؤنار/الشرك اطفات ؤنار الباس
ؤعرش الخير الِّ مـات اخظار/والدهر الكط احـراش، املاس
ؤعاد الحك امتن مــن لحجار/ماينكرَ ؤلا ينـــتماس
ؤكامُ من عصب الكـون امهار/فالتحرار ؤمر التحـــساس
والخالك كامل مــن الانوار/من نورك يــرصول اقتباس
ؤمديحك ينــكاس ؤشكار/كاسُ جـابر فتح ؤحماس
ؤكنَّ فيه ؤفيه اســـتعار/ؤجاب الجـناس ؤلقتباس
ؤكلب لكلام اذهبْ بافــكار/من جوهر والفـاظ امن الماس
واسو تم امقصر فاســـفار/مديحك ، مديحك ينــكاس
واليوم الدهر ارجع غـــدار/اكريب مـــن كان ابلا ساس
اتكطع عادت كل انـــهار/فيــه الناس النــاس ابلماس
والنخوَه فالناس ؤ الاثــار/فالـرجلين احكمـهم لمغاس
والكط استهدَ مــن الاحرار/فاتــراب الخــير اذهب وانحاس
ؤعطشانَ الارض ؤذيك اخبار/شـــربت ماهَ واكــفات الكاس
ؤلحكت مـن مـلعب الاستقرار/فاتت مركت خط الــتماس
الكــــورَ الارضيه مدار/افملعب جبـهتْ الاحتباس
غير ابــجاهك عند الصمد/ذ ماتجـبرلُ لمَّه باس
وابْـــ قـــل هـو الله أحــــد/ؤ قل أعوذ بــــرب الناس
🔰🔰🔰
🔰🔰🔰
إدعمونا بالمشاركة و الإعجاب و لكم منا جزيل الشكر ❤️
🇲🇦🇪🇭🇲🇷