سابگ يالشعب افشِ تلتاح@افدينك لا تگبل تفريــــط
دينك بيك اينيط او نجـاح@مسار الوحده بيك اينيط
واشبه گاع افحــد ايل گد@عـــن يَم الفتنه يتمحـــرد
يهـنه مـــايتـــورط فامـهـد@ايـوَدي للفتـــنه توريــــط
الفتنه شيــنه لا يقصد@يعگد للفتنه حد اشــــريـط
حـد اعگد للفتنه يعـگد@حد اوخر گاع اشريط ايحيط
بيها، يغير اشبه مقصد@من دون الفتنه واتمــــكريــط
الها مايعطي گاع الحــد@قيمـــــه مـــانل والتسليـــط
اعـل وحدة مـده ينعــــد@جريمه، شوف احن خَليــط
امن الناس المافيها شـــد@اخبار انها كاااامل شنقيــط
تجمـعـها جمــعتها فابلــد@شعب اولا فيه حد ايشيط
اعل حد ابشي ماهو مجــد@اگرايه والل زاد الگيــــط
سمعه زينه فالناس اومــد@ايدين الوحده واتگشويط
عن يم الفـتـنه ما ينعـــاب@خلـونا فالوحــــده شبــاب
واكهـوله مافينا الاِطنـــاب@افالاُمـور اولافين خيــط
الشر اوطافي گاع اشهـــاب@الفتنــه ماگايم لخبيــط
فين، ماجايب حـــد اكلاب@الحد اولا واكل لو كيط
اولاحارگ حد الحد اكتــاب@اولا مُهــدّد حد ابشَريـط
من ماضيه ٶلا فم اصحاب@متحده ماه اعل شِ قيط
فامساله ماتــدعي لاَسبـــاب@اله خـلو ذاك المحيــط
سابگ يالشعب افشي تلتـاح@افدي ينك لاتگبل تفريط
دينك بيك اينيط او نجــــاح@مسار الوحده بيك اينيط
🔰🔰🔰
🔰🔰🔰
🇲🇷🇪🇭🇲🇦